என்னுரை

குரும்பசிட்டி என்னும் எனது கிராமத்தை எனக்கே தூரத்தில் ஒரு ஓவியம் போல மங்கலாய்தான் தெரியும். போரும் உறவுகளின் இழப்பும் என்னை மூன்று முடிந்து சில மாதங்களைக் கடக்குமுன்பே அகதி ஆக்கியது. இந்தியாவில் கரிசைக்காடு என்னும் பொட்டல் கிராமத்தில் அம்மாவும் நானுமாய் புலம் பெயர்ந்து வாழத் தொடங்கியபோது நம்பிக்கை மட்டும்தான் எம் கையிருப்பு. தோப்பும் குடிசையும் பார்த்து மூன்று வயதில் முதலில் முகம் சுளித்தாலும் ஏழ்மை பற்றி எனக்கு புரியவைத்த காலம் அது.